काठमाडौं । नम्बर नखुलेको मोटरसाईकलमा आएका २ व्यक्तिले भक्तपुर नगरपालिकास्थित कालान्च भन्ने स्थानमा एक निर्माण व्यवसायीलाई चक्कु देखाएर ६ लाख नगद लुटपाट गरेको प्रहरीले जनाएको छ ।
चागुँनारायण नगरपालिका–६ तेलकोट बस्ने निर्माण व्यवसायी पशुराम बजगाईको ६ लाख रुपैयाँ नगद मंगलबार लुटपाट भएको हो ।
नेपाल बैंक लिमिटेड कमलविनायक शाखाबाट निकालेको नगद २ लाख र घरबाट लिएर आएको ४ लाख सहित ६ लाख रुपैयाँ लिई कमलविनायकबाट सूर्यबिनायकतर्फ पैदल आउने क्रममा भक्तपुर नगरपालिका–१० स्थित कालान्च भन्ने स्थानबाट नम्वर खुल्न नसकेको मोटरसाइकलमा आएका २ जना व्यक्तिले चक्कु देखाई उक्त रकम लुटेको बताइएको छ ।
फरार लुटेराहरुको खोजतलास गर्नुको साथै यस सम्बन्धमा प्रहरीले आश्यक अनुसन्धान गरिरहेको छ ।
Categorized in समाज
