मोटरसाईकलको सिटमुनी एककिलो लुकाई राखेको सुनसहित एक पक्राउ
प्रकाशित: शुक्रबार, १५ असार २०७५, १३ः०२ बजे
- जेम्सज्वेलरीखबर
काठमाडौं । प्रहरीले वीरगञ्जबाट एक व्यक्तिलाई मोटरसाईकलमा लुकाई राखेको एक किलो सुनसहित पक्राउ गरेको छ ।
प्रहरीले सर्लाही हरिपुर नगरपालिका –९ बस्ने सन्तोषकुमार साहलाई एक किलो अवैध सुन बोकेर भारततर्फ लग्दै गरेको अवस्थामा वीरगञ्ज महानगरपालिका शंकाराचार्य गेट अगाडिबाट साहलाई पक्राउ गरिएको हो ।
पूर्व सूचनाका आधारमा इनवरुवा प्रहरी चौकीका इन्चार्ज त्रिभुवन साह नेतृत्वको टोलीले सुनसहित साहलाई नियन्त्रणमा लिएको हो ।
प्रहरीले चेकजाँचको क्रममा साह चढेको ना ४८प ३७७४ नम्बरको मोटरसाइकलको सिटमुनी रहेको एयर फिल्टरमा लुकाइएको अवस्थामा सुन फेला परेको थियो ।
पत्रकार सम्मेलन गरेर सो बारे जानकारी दिने प्रहरीले बताएको छ ।
Categorized in पत्रपत्रिका
