काठमाडौं । भक्तपुरमा मोटरसाइकलको ठक्करबाट शनिबार राती पैदलयात्रीको मृत्यु भएको छ ।
प्रहरीका अनुसार राती ८ः१५ बजे भक्तपुरको सुर्यविनायक नगरपालिका–१० नालिन्चोक जोरपाटीमा साँगातर्फ जाँदै गरेको बा ४६ प ११२७ नम्बरको मोटरसाइकलको ठक्कर बाट रामेछापको दोरम्बा गाउँपालिका–४ घर भई नालीन्चोक बस्ने ७० वर्षीय निमबहादुर मगरको मृत्यु भएको हो ।
ठक्करबाट गम्भीर घाइते भएका मगरलाई उपचारका लागि मध्यपुर अस्पताल थिमी पुराएको थियो । उपचारका क्रममा राति ९ः४६ बजे उनको मृत्यु भएको हो ।
प्रहरीले मोटरसाइकल चालक काभ्रेको बनेपा नगरपालिका –६ का ४४ वर्षीय जितेन्द्र श्रेष्ठलाई नियन्त्रणमा लिएको छ ।
Categorized in समाज
