काठमाडौं । मेयर कप उमेर समुह बुद्धिचाल प्रतियोगिता जेठ ३ गतेबाट प्रारम्भ हुने भएको छ ।
काठमाडौँ महानगरपालिका–२४ को आयोजना तथा मखन चेस क्लबको व्यवस्थापनमा पहिलो संस्करणको सो प्रतियोगिता जेठ ५ गते सम्म चल्ने आयोजकले बताएको छ ।
प्रतियोगितामा बाह्र वर्षमुनी (यू–१२) को छात्र तथा छात्रा र यू १६ बुद्धिचाल हुने आज यहाँ आयोजित पत्रकार सम्मेलनमा वडाध्यक्ष बालकृष्ण श्रेष्ठले जानकारी दिए ।
प्रतियोगितामा छात्रछात्रा दुवै उमेर समुहका विजेता खेलाडीले रु ३० हजार तथा उपविजेताले रु १५ हजार पुरस्कार पाउनेछन ।
त्यसैगरी प्रतियोगितामा तेस्रो स्थान हासिल गर्नेले रु १० हजार प्राप्त गर्नेछन् । प्रतियोगितामा करीब १५० खेलाडीले प्रतिस्पर्धा गर्ने आयोजकले जनाएको छ ।
Categorized in मनोरन्जन
