काठमाडौं । मेगा रेमिटको सञ्जाललाई विश्वभर फैलाउने क्रममा मेगा बैंक र मलेसियाको प्लासिड एक्सप्रेस कम्पनीबीच रेमिट सम्झौता भएको छ ।
रेमीट्यान्स कारोबारसम्बन्धी भएको यस सम्झौताले मलेसियाबाट छिटो, छरितो र सहज रुपमा नेपालमा रेमीट्यान्स भित्र्याउन सकिन बैंकले जनाएको छ ।
सम्झौतापछि मलेसियामा कार्यरत नेपाली श्रमिकहरु थप लाभान्वित हुने मेगा बैंकको विश्वास छ ।
मलेसियाका साथै प्लासिड एक्सप्रेसमार्फत अमेरिका, बेलायत र इटालीबाट पनि नेपालमा रकम पठाउन सकिने व्यवस्था मिलाइएको छ ।
यसअघि मेगा बैंकले दक्षिण कोरिया, जापान, अष्ट्रेलिया, कुवेत, यूएई, भारत लगायतका देशमा रेमिट्यान्स सेवा विस्तार गरिसकेको छ ।
Categorized in बैंक