काठमाडौं । सरकारले भाद्र १ गतेबाट लागु गर्न लागेको मुलुकी अपराध (संहिता) मा चिकित्सकमाथि लगाएको सजायको व्यवस्थामा संसोधन नगरे भाद्र १ गतेबाट बिरामी नजाच्ने चेतावनी दिएको छ ।
नेपाल चिकित्सक संघले सोमबार पत्रकार सम्मेलन गरी सो चेतावनी दिएको हो । संघले भदौ १ देखि एप्रोन र लाइसेन्स नेपाल मेडिकल काउन्सिलमा बुझाउने र विरामी नचाँच्ने बताएको छ ।
भदौ १ देखि लागू हुने मुलुकी अपराध (संहिता) ऐनमा चिकित्सकहरुको लापरवाहीले विरामीको मृत्यु भएको पुष्टि भए ५ वर्ष कैद र हेलचेक्र्याइँबाट बिरामीको मृत्यु भए त्यस्ता डाक्टरलाई ३ वर्षसम्म कैद र ३० हजारसम्म जरिवाना गर्न सक्ने व्यवस्था गरिएको छ ।
यो व्यवस्थाले उपचारका क्रममा कुनै कारणले विरामीको मृत्यु भएमा डाक्टरहरुलाई फौजदारी अभियोग लाग्ने र जेल जाने अवस्था आएको संघले बताएको छ ।
संघले चिकित्कसको लापरवाही भए नभएको छानविनको लागि विज्ञ समूहको गठन गरि छानबिन गर्नुपर्ने र फैजदारी नभई देवानी कानुनअनुसार कारबाही गर्नुपर्ने माग राखेको छ ।
Categorized in स्वास्थ्य
