काठमाडौं । माटोको ढिस्कोले पुरिएर विहिवार विहान धनुषा जिल्लाको धनुषाधाम नगरपालिकामा एक बालकको मृत्यु भएको छ भने २ घाईते भएको प्रहरीले जनाएको छ ।
इलाका प्रहरी कार्यालय धनुषाधामका अनुसार धनुषाधाम–४ लक्ष्मीपुरमा माटोको ढिस्कोमा परेर यसै नपाको वडा नं ९ धारापानी बस्ने रामअवध यादवकी आठ वर्षीया छोरी सिर्जनाकुमारी यादवको मृत्यु भएको हो ।
बालिका माटो खन्न गएका बेला माथिबाट ढिस्को खसेर पुरिँदा घटनास्थलमै मृत्यु भएको प्रहरीले जनाएको छ ।
इप्रका धनुषाधाम इन्चार्ज प्रहरी निरीक्षक प्रकाश दाहालले माटो खन्न गएका अरु दुई बालिका मिका पण्डित र रञ्जिता पण्डित घाइते भएको बताए ।
Categorized in समाज
