काठमाडौं । माछापुच्छ्रे बैंक लिमिटेडले पशुपतिनाथको दर्शनार्थ आउने दर्शनार्थीहरुको सुविधाको लागि जुत्ता–चप्पल कक्ष एवं सर्वसाधारणको प्रयोगमा आउने धारा निर्माण गरी पशुपति विकास कोषलाई हस्तान्तरण गरेको छ ।
शुक्रवार एक कार्यक्रम गरी बैंकका प्रमुख कार्यकारी अधिकृत श्री सुमन शर्माले उक्त कक्षको साँचो कोषका सदस्य सचिव डा। प्रदीप ढकाललाई हस्तान्तरण गरे ।
कक्ष सञ्चालनमा आए पश्चात तिर्थालुजनहरुले आफ्नो जुत्ता–चप्पल लकर कक्षमा सुरक्षित रुपमा राख्न सक्नेछन । साथै, सोही परिसरमा दर्शनार्थीहरुको बस्न मिल्ने व्यवस्था लागि बेन्चहरु समेत राखिएको छ ।
यसका साथै, बैंकले पशुपति परिसरमा २४औं घण्टा प्रयोग गर्न मिल्ने गरि ए.टि.एम. समेत जडान गरि सञ्चालनमा ल्याईसकेको छ ।
यस अघि बैंकले सोही परिसरमै मन्दिर दर्शन गर्न आउने दर्शनार्थी तथा पर्यटकहरुले ल्याउने सर–समानको सुरक्षाका निम्ति लकर कक्ष निर्माण गरी सञ्चालनमा ल्याएको बैंकले जनाएको छ ।
Categorized in बैंक