काठमाडौं । नेकपा (माओवादी केन्द्र) ले कीर्तिपुर नगरपालिकाको मेयर (प्रमुख) पदमा प्रा.डा. शिवशरण महर्जनको उम्मेदवारी घोषणा गरेको छ ।
कीर्तिपुर नगर समितिको सोमबारको बैठकले आगामी मंसिर १६ गते हुने उपनिर्वाचनका लागि महर्जनलाई मयेर पदको लागि उठाउने निर्णय गरेको हो ।
बैठकले बागमती प्रदेशका इन्जार्ज अग्निप्रसाद सापकोटाको उपस्थितिमा महर्जनलाई सर्वसम्मतले उम्मेदवार चयन गरेको थियो ।
यसअघि नेकपा (एमाले)ले एमालेले केन्द्रीय सदस्य रहेका सुरेन्द्र मानन्धरलाई मेयर पदको उम्मेदवार बनाएको छ ।
साथै राप्रपाले ध्रुव महर्जनलाई कीर्तिपुरको मेयर उम्मेदवार बनाउने घोषणा गरिसकेको छ ।
नेपाली कांग्रेसले भने उम्मेदवार घोषणा गरिसकेको छैन । कीर्तिपुरमा मेयर र दुई वडाध्यक्ष पदका लागि उपनिर्वाचन हुँदैछ । मंसिर २ गते मनोनयन दर्ताको कार्यक्रम छ ।
Categorized in स्थानिय
