महोत्तरीमा ५० जनामा देखिएको एचआईभी, पुरुष ३१, महिला १९ जना
काठमाडौं । नेपाल परिवारजन नियोजन संघले हालै जारी गरेको तथ्यांकमा महोत्तरी जिल्लामा एचआईभी संक्रमितको संख्या ५० पुगेको छ ।
संघका अनुसार ५० जनामा ३१ जना पुरुष रहेका छन भने १९ जना महिला छन् ।
एचआइभी जाँचका लागि स्वेच्छिक रक्त परीक्षण र उपचार सेवा दिँदै आएको नेपाल परिवार नियोजन सङ्घले सो तथ्याङ्क हालै सार्वजनिक गरेको हो ।
सन २००७ देखि एचआइभी र विभिन्न यौन रोगबारे परामर्श, स्वेच्छिक रक्तपरीक्षण र उपचार सेवासमेत दिँदै आएको सो परियोजनाले रक्तपरीक्षणका क्रममा सङ्क्रमित पहिचान खुलेको परियोजनाका प्रमुख धिरज पौडेलले जानकारी दिए ।
सन २०१३ को प्रारम्भदेखि यस वर्षको सेप्टेम्बरसम्म एचआइभी जाँचका लागि रक्तपरीक्षण गर्न सेवाग्राहीबाट सो संख्या खुलेको हो ।
बैदेशिक रोजागरीबाट फर्केका युवाहरुमै सङ्क्रमित देखियो । संक्रमित भएका ३१ युवाहरु वैदेशिक रोजगारबाट फर्केको पाइएको छ ।
संघका अनुसार विशेष गरी मेलेसिया र भारतमा श्रमको लागि जाने युवाहरुमा देखिएको छ ।
यसैबीच स्वास्थ्य क्षेत्रमा काम गर्दै आएका सामाजिक सङ्घसंस्थाले विदेशबाट फर्कनेलाई विमानस्थल र दुई देशीय सीमाक्षेत्रमा अनिवार्य एचआइभी परीक्षण गरेर मात्र प्रवेशको व्यवस्था गर्न सरकारसँग माग गरेका छन ।
Categorized in स्वास्थ्य
