महालक्ष्मी विकास बैंक र इन्स्योरेन्सबीच बीमा सम्झौता
काठमाडौं । महालक्ष्मी विकास बैंक र महालक्ष्मी लाईफ इन्स्योरेन्स विच जीवन बीमा सोवा सम्झौता भएको छ ।
सम्झौतापछि अब बैंकका ग्राहकले महालक्ष्मी बिकास बैंकको जुनसुकै शाखाहरुबाट महालक्ष्मी लाईफ इन्स्योरेन्सको जीवन बीमा योजनाहरु पाइने भएको छ ।
महालक्ष्मी लाईफ इन्स्योरेन्सको तर्फबाट प्रमुख कार्यकारी अधिकृत रमेशकुमार भट्टराई र महालक्ष्मी विकास बैंकको तर्फबाट प्रमुख कार्यकारी अधिकृत कृष्णराज लामिछानले सम्झौतामा हस्ताक्षर गरेका छन ।
बैंकले दिएको जानकारी अनुसार महालक्ष्मी विकास बैंकले आफ्ना १०१ वटै शाखाहरुबाट महालक्ष्मी लाईफ इन्स्योरेन्सले प्रदान गर्ने सम्पूर्ण बीमा सेवा दिने छ ।
गत माघ २७ गतेबाट कारोबार शुरु गरेको इन्स्योरेन्सले साबधिक बीमा योजना, डबल बीमा योजना र लगानी फिर्ता बीमा योजना सार्वजनिक गरेको छ ।
हालसम्म महालक्ष्मी लाईफ इन्स्योरेन्सले काठमाडौं, पोखरा र वीरगंजबाट कारोबार शुरु गरिसकेको छ ।
फागुनभित्र बिर्तामोड, इटहरी, जनकपुर, लाहान, नारायणगढ, बुटवल, दाङ, कोहलपुर, सूर्खेत र धनगढीबाट कारोबार शुरु गर्ने तयारी गरिहेको छ इन्स्योरेन्सले जनाएको छ ।
Categorized in बैंक
