काठमाडौं । काठमाडौं महानगरपालिका प्रमुख विद्यासुन्दर शाक्यले चःमतिको बृद्ध पार्कमा सञ्चालित ‘जनताको चुल्हो’ निरिक्षण गरेका छन ।
शुक्रवार प्रमुख शाक्यले कामपा १५ वडाको आयोजनामा सञ्चालित ‘जनताको चुल्हो’ निरीक्षणको क्रममा खानाको गुणस्तर समेत जाँच समेत गर्न भ्याए ।
लकडाउनवाट प्रभावित वनेकाहरुलाई चमति नेवाः खलः र चःमति टोल सुधार समितिको समन्वयमा बैशाख १७ गतेदेखि जनताको चुल्हो मार्फत खाना खुवाउँने आरम्भ भईरहेको छ ।
हाल कोरोना भाइरस (कोभिड–१९) को संक्रमणबाट बच्न देशभरीको बन्दाबन्दीको कारण विपन्न मजदुर परिवारहरुलाई दैनिक गुजारा गर्न गाह्रो भइरहेको अवस्थमा समस्यामा परेका नागरिकलाई खाना खुवाउने कार्यलाइ जनताको चुल्हो नामाकरण गरिएको हो ।
भुइखेल चौरमा चैतको २९ गतेदेखि कामपा १५ वडाले खाना खुवाउने व्यवस्था गरिआएको छ । वडाबाट खाना खुवाउने कार्यलाई अझ सहजरुपमा सबैले खाना पाओस् भन्ने उद्देश्यले बैशाख १७ गते मंगलबारदेखि चःमति र जन गल्लीमा र बैशाख १८ गतेदेखि बुद्ध पार्कमा स्थानीय टोलसुधार समिति मार्फत जनताको चुल्हो मार्फत खाना खुवाउने कार्य भईरहेको छ ।
Categorized in स्थानिय