काठमाडौं । काठमाडौं महानगरपालिकाले ललिता निवासमा भवन निर्माणको स्वीकृति नदिने भएको छ ।
महानगरले सोमवार एक सुचना जारी निवास र सोले चर्चेको जग्गामा भवन निर्माण स्वीकृति नदिने र सो क्षेत्रमा भवन निर्माण गर्न रोक्क समेत गरिएको बताएको छ ।
काठमाडौं महानगरपालिका वडा ४ बालुवाटारस्थित ललिता निवास र सो क्षेत्रमा अवदेखि कुनै पनि निर्माण स्वीकृत नदिने, निर्माण सम्पन्नता प्रमाणपत्र जारी नगर्ने र यदि कुनै संरचना निर्माण भईरहेको छ भने निर्माण रोक्न महानगरले निर्देशन दिएको हो ।
जारी सुचनाको बर्खिलाप भए स्थानीय सरकार सञ्चालन ऐन, २०७४ को दफा ३९ बमोजिम त्यस किसिमको भवन भत्काईने र भत्काउँदा लागेको खर्च समेत सम्बद्ध घरधनीबाट सरकारी बाँकी सरह असुल उपर गर्ने चेतावनी समेत दिएको छ ।
ललिता निवास जग्गा प्रकरणमा आईतवारसम्म भाटभटेनी सुपरमार्केटका सञ्चालक मीनबाहदुर गुरुङसहित ७ जना पक्राउ परेका छन ।
सो सरकारी जग्गा र्कीते गरी व्यक्तीको नाममा सार्न खोज्नेहरुलाई केन्द्रिय अनुसन्धान व्यूरोले पुन अनुसन्धान अघि बढाएपछि सो प्रकरणमा संलग्नहरु धमाधम समातिदैछ ।
महानगरले महानगर क्षेत्रभएका सरकारी जग्गा संरक्षण स्थानीय निकायको भएकोले ललिता निवास जग्गामा तारबार लगाउने कार्य अघि बढाएसँगै भवन निर्माण लगायको कार्य रोक्का गरेको हो ।
Categorized in स्थानिय