काठमाडौं । काठमाडौं महानगरपालिकाले गत चैत्र महिनामा महानगरक्षेत्र भित्र पार्किङ शुल्क रु ४८ लाख ६४ हजार २६६ रुपियाँ ४ पैसा उठाएको छ ।
गत आ.व.को चैत्र महिनासँगै तुलना गर्दा ५६.७३ प्रतिशत हो । महानगर गत आ.व.को चैत्र महिनामा २१ लाख ४ हजार ६०३ रुपियाँ ७२ पैसा संकलन गरेको थियो ।
काठमाडौं महानगरपालिकाले चालु आ.व. २०७९/०८० को चैत्र महिनाको राजस्व संकलन विवरण सार्वजनिक गरेको छ ।
महानगरले चैत्र महिनाको घर बहालकर १३ करोड ७६ लाख ८६ हजार ७७२ रुपियाँ असुल गरेको छ । गत आ.व.को चैत्र महिनासँग तुलना गर्दा ५.६ प्रतिशतले घटेको हो ।
गत बर्षको चैत्रमा १४ करोड ४७ लाख ९२ हजार १९१ रुपियाँ बहाल कर उठाएको थियो ।
चैत्र महिनाको अघिल्लो आ. व सँग तुलना गर्दाको प्रगति यस आवको चैत्र महिनामा १० करोड ७४ लाख २१ हजार ७ सय ५३ त्रिपन्न बढि कर शुल्क जरिवाना र दस्तुर संकलन भएको छ ।
अघिल्लो उहीँ महिना सँगको तुलनामा २२.८३ प्रतिशत वृद्धि भएको महानगरपालिकाले जनाएको छ ।
Categorized in अर्थबजार