काठमाडौं । काठमाडौं महानगरपालिकाले महानगरभित्रको रहेको अव्यवस्थित तार हटाउन सुरु गरेको छ ।
सोमवार विहान ८ बजेबाट महानगरले माईतीघर मण्डला र न्यूरोड क्षेत्रबाट अव्यवस्थित तारहरु व्यस्थापन गर्न सुरु गरेको महानगरपालिकाले जनाएको छ ।
तार व्यवस्थापन गर्दा नेपाल विद्युत प्राधिकरण, दूरसञ्चार प्राधिकरण, नेपाल टेलिकम, काठमाडौं उपत्यका प्रहरी कार्यालय, महानगर प्रहरी बल र इन्टरनेट सेवा प्रदायक संस्थाका प्रतिनिधि बसेर तारको पहिचान गरी हटाउने कार्य गरिएको छ ।
प्राधिकरणले माइतीघरदेखि विमानस्थलसम्म, त्रिपुरेश्वरदेखि महाराजगञ्जसम्म, न्युरोड गेटदेखि वसन्तपुर हुँदै असनसम्म रूट तय गरेको छ ।
वैशाख १२ गते महानगरले १५ दिने अल्टिमेटम दिँदै आगामी वैशाख २७ गतेसम्म तारको उचित व्यवस्थापन गर्न सूचना जारी गरेको थियो ।
Categorized in स्थानिय