काठमाडौं । काठमाडौं महानगरपालिकाको २४ घण्टे अल्टिमेटमपछि काठमाडौं फनपार्कले महानगरलाई कर तिरेको छ ।
भृकुटीमण्डपस्थित फनपार्कले कर तिरेको राजस्व विभागका प्रमुख शिवराज अधिकारीले जानकारी दिए ।
भृकुटीमण्डपस्थित फनपार्कले १७ लाख ३६ हजार रुपैयाँ मनोररञ्जन कर महानगरको राजस्व विभागलाई तिरेको हो ।
विभागिय प्रमुख अघिकारीका अनुसार उनका अनुसार उक्त मनोरञ्जन कर पाँच वर्षको हो ।
महानगरले हिजो फनपार्कलाई कर तिर्न अल्टिमेटम दिएको थियो । अधिकारीका अनुसार मनोरञ्जन शुल्कबाट उठेको पाँच प्रतिशत रकम मनोरञ्जन कर भनी तिर्नुपर्ने नियम छ।
यस्तै, फनपार्कले व्यवसाय कर पनि तिर्न बाँकी छ । महानगरले २४ घन्टाभित्र कर बुझाउन अल्टिमेटम दिएपछि मनोरञ्जन कर मात्र बुझाएको हो । बर्षौ देखि पटक पटक ताकेता गर्दा पनि पार्कले महानगरलाई कर तिर्न आलटाल गरेको थियो ।
Categorized in मनोरन्जन