काठमाडौं । काठमाडौं महानगरपालिकाको सहरी योजना आयोगमा विहिवार ५ सदस्य नियुक्त गरिएको छ ।
आयोगमा संस्कृति, सम्पदा तथा पर्यटनतर्फ प्रा. डा. त्रिरत्न बज्राचार्य, शिक्षा, स्वास्थ्य र समुदायतर्फ गुजेश्वरी श्रेष्ठ, व्यवस्थापन प्रशासनतर्फ मनराजा रञ्जित, सहरी योजनातर्फ कृतिकुसुम जोशी, प्राबिधिकतर्फ इञ्जिनियर सजिब श्रेष्ठ नियुक्त भएका छन ।
यस अघि जेठ १२ गते बसेको कार्यपालिकाको ३३ औं बैठकले सरोज बस्नेतलाई आयोगको उपाध्यक्षमा नियुक्त गरेको थियो ।
महानगरको सहरी योजना आयोग (गठन तथा सञ्चालन कार्यविधि) ऐन, २०७५ को व्यवस्थाबमोजिम उनीहरुलाई नियुक्त गरिएको हो ।
विहिवारनै यसै ऐनबमोजिम आयोगका पदाधिकारीका रुपमा नियुक्त उपाध्यक्षसहित सदस्यहरुलाई बिहीबार आयोगका अध्यक्ष एवं महानगरका प्रमुख बिद्यासुन्दर शाक्यले पद तथा गोपनीयताको शपथ ग्रहण गराए ।
यस ऐन बमोजिम महानगरका प्रमुखको अध्यक्षतामा १४ सदस्यीय सहरी योजना आयोग गठन हुनेछ । यसले स्थानीय तथ्य र तथ्याङ्क संकलन गर्ने, बिकास आवश्यकता, आयोजना तथा परियोजनाहरुको अध्ययन, अनुसन्धान, बिश्लेषण, अनुगमन, सुपरीवेक्षण तथा मुल्याङ्कनबाट स्थानीय नीति योजना तर्जुमा गर्ने तथा अभिलेख व्यवस्थापन गर्नेछ ।
Categorized in स्थानिय