महानगरका ३१ जना सरसफाई कर्मचारीमा आरडीटी पोजिटिभ
काठमाडौं । काठमाडौं महानगरका ३१ जना सरसफाई कर्मचारीमा कोरोनाको एन्टिबडी पोजेटिभ देखिएको छ ।
महानगरले वातवरण विभागका ९३४ जना सरसफाई कर्मचारीको आरडीटी र पिसीआर टेस्ट गरिएको थियो । ६६४ जनामा आरडीटी र २७० जनामा पीसीआर परीक्षण गरिएको हो ।
शुक्रबार टेकु अस्पतालमा गरिएको परीक्षणमा उनीहरूमा एन्टिबडी पोजेटिभ देखिएको महानगरपालिकाले जनाएको छ । पोजेटिभ देखिएकामध्ये १६ जना पुरुष र १५ जना महिला छन ।
ती ३१ जनलाई थप पीसीआर परीक्षणको तयारी पनि गरिएको छ । उनीहरुलाई महानगरपालिकाको वातावरण भवनको क्वारेन्टाइनमा राखिएको छ ।
विहिवार कालिमटी तरकारी बजारमा स्वास्थ्य सेवा विभागका महाननिर्देशक महेन्द्रप्रसाद श्रेष्ठका अनुसार ६ सय जनामा चार सयको ¥यापिड टेस्ट र २०० जनाको पिसिआर टेस्टको लागि स्वाव संकलन गरिएको छ ।
Categorized in स्वास्थ्य
