महानगरका विद्यालयमा ‘शिक्षामा सिप’ कार्यक्रमको बालेनको अनुुगमन
काठमाडौं । काठमाडौं महानगरपालिकाको सामुदायिक विद्यालयमा बुक फ्री डे अन्तर्गतको ‘शिक्षामा सिप’ कार्यक्रमको महानगर प्रमुख बालेन्द्र साह बालेनले अनुुगमन गरेका छन ।
प्रमुख साहले शुक्रवार कामपा वडा ५ स्थित टंगाल मावि, वडा २५ को कन्या मा.वि.को अवलोकन गरेका थिए ।
शिक्षामा सिप कार्यक्रम अन्तर्गत भईरहको गतिविधिहरुलाई प्रभावकारी र सिप योग्य बनाउनु पर्नेमा अनुुगमनको क्रममा जोड दिएका छन ।
टंगाल माविमा कक्षा ९ मा अध्ययनरत विद्यार्थीले काष्ठकला र मोबाइल मर्मत सम्बन्धी तालिम लिईरहेको प्रमुख साहले बताएका छन ।
त्यसैगरी, अन्य विद्यार्थीहरूले अन्य अतिरिक्त क्रियाकलापमा हस्तकला बनाउने, कक्षा कोठा सजाउने कार्यक्रम गरे ।
प्रमुख साहले कन्या माविका विद्यार्थीहरुले सौन्दर्य कला र कपाल शैली (हेयर स्टायल), कपडा निर्माणको तालिम लिएको जानकारी दिए ।
विद्यार्थीहरुले निर्वाचनको अभ्यास कार्यक्रमको पनि आयोजना गरेका थिऐ विद्यार्थीहरू आफै उम्मेदवार, निर्वाचन अधिकृत, पर्यवेक्षक, मतदाता बनेर निर्वाचनको अभ्यास कार्यक्रम सञ्चालन गरेका थिए ।
निर्वाचन अघि प्रमुख साहले घोषणा गरे अनुरुप अनुरूप महानगरको सबै सामुदायिक विद्यालयमा ‘बुक फ्री फ्राइडे’ कार्यक्रम सञ्चालन भइरहेको छ ।
‘बुक फ्री फ्राइडे’ अन्तर्गत ५६ सामुदायिक विद्यालयमा ‘शिक्षामा सिप’ कार्यक्रमको अनुगमन सुरु गरिएको छ ।
‘हाम्रो चुनावी घोषणापत्रमा हप्तामा एक दिन सामुदायिक विद्यालयमा सीप, उद्यमशीलता, खेलकुद, सङ्गीत, कला तथा नेतृत्व विकासका लागि प्रशिक्षण कार्यक्रमको व्यवस्था गरिने उल्लेख गरिएको थियो ।’ उनले भने ।
Categorized in समाज
