काठमाडौं । निर्वतमान सभामुख कृष्णबहादुर महराले स्वास्थ्यको कारण देखाउदै बयान दिन आलटाल गरेको छ ।
सरकारी वकिलले महराको थप बयान लिन खोजेपनि स्वास्थय समस्या देखाउँदै प्रहरीमार्फत अस्पतालको पत्र पठाएपनि बयान पछि सरेको छ ।
काठमाडौं प्रहरी प्रमुख उत्तम सुवेदीका अनुसार अस्पतालको पत्र अनुसार थप बयान लिन नसकेको हो ।
पक्राउ परेलगत्तै स्वास्थ्यमा गम्भीर समस्या परेको भन्दै नर्भिक अस्पतालमा उपचारको लागि महरा भर्ना भएका छन । असोज १९ गते पक्राउ परेका उनी २३ गते देखि नर्भिकको क्याविनमा उपचारका लागि बसेका छन ।
महराले बयान दिन नमाने पनि प्रहरीले अन्य प्रमाणहरू संकलन गरेर २५ दिनभित्र सरकारी वकिल कार्यालयमा प्रतिवेदन पेश गर्नुपर्ने छ ।
संसद सचिवालयकी कर्मचारी रोशनीले आफूलाई बलात्कार प्रयास गरेको र प्रतिकार गर्दा कुटपिट भएको भन्दै प्रहरीमा महराविरुद्ध उजुरी दिएपछि महरा पक्राउ परेका थिए ।
Categorized in राष्ट्रिय