काठमाडौं । मलेसियामा विषाक्त रक्सीका कारण मृत्यु भएका भनिएका ६ नेपालीको पहिना भएको छ ।
मलेसियाको सेलांगोर राज्यका विभिन्न स्थानमा काम गर्न गएका नेपालीको विषाक्त रक्सी सेवनबाट मृत्यु क्वालाम्पुरस्थित नेपाली राजदूतावासले एक प्रेस विज्ञप्ती जारी गरी जनाएको छ ।
मृत्यु हुनेहरूमा धादिङ बसेरी–३ कामिमबहादुर घले, रुपेन्देही, मसिना–६ का रामकुमार यादव, डडेल्धुरा अमरगढी– ५ का विशाल बुढाथोकी, सुनसरीका पश्चिमकुसाहा–९ का संजय उराव, इलाम सिद्दिथुम्का–९का बलबहादुर कुलुङ र जिल्ला पहिचान हुन नसकेका आइतसिङ गोले रहेको छ ।
विषाक्त मदिरा सेवनबाट १६ नेपाली बिरामी परेका छन जसमध्ये केही उपचारपछि डिस्चार्ज भएका छन भने केहीको उपचार जारी रहेको प्रेस विज्ञप्तीमा उल्लेख छ ।
Categorized in अन्तर्राष्ट्रिय
