काठमाडौं । पर्यटनमन्त्री योगेश भट्टराईमाथि भएको अभद्र व्यवहारबारे सोधपुछको लागि प्रहरीले ज्ञानेन्द्र शाहीलाई हिरासतमा लिएको छ ।
शनिवार नेपालगञ्ज विमानस्थलमा पर्यटनमन्त्री भट्टराईको कारण एक घण्टा ढिला भएको भन्दै विमाानभित्रै शाहीले अभद्र व्यवहार र गालीगलौज गरेको भिडियो सार्वजनिक भएको थियो ।
सोही विषयमा मन्त्री भट्टराईले आईतबार पत्रकार सम्मेलन गरी जानकारी दिने क्रममा एक समूहले शाहीमाथि हातपात गरेपछि सुरक्षाको कारण देखाउँदै शाहीलाई नियन्त्रणमा लिएको प्रहरीले जनाएको छ ।
तर प्रहरीले उनलाई अभद्र व्यवहारसम्बन्धी कसूरमा नियन्त्रणमा लिएको बुझिएको छ । साथै उनलाई अभद्र व्यवहार कसूरसँगै गैरसैनिक हवाई उडान (सिभिल एभियसन) ऐन २०१५ विपरीत कसूर गरेको अभियोगमा मुद्दा चलाउने तयारी प्रहरीले गरेको छ ।
काठमाडौं उड्ने बुद्धएयर विमानमा मन्त्रीको कारण एक घण्टा ढिलो भएको भनिएपनि मन्त्री भट्टराईले १५ मिनेट ढिलो भएको र सोको लागि माफि समेत मागेका थिए ।
बुद्ध एयरले पनि एक घण्टा नभई १५ मिनेट मात्र ढिलो भएको जनाएको छ ।
Categorized in राष्ट्रिय