मच्छिन्द्रनाथको भोटो जेठ २६ मा देखाइने
काठमाडौं । उपत्यकाको ऐतिहासिक जात्रा रातो मच्छिन्द्रनाथको भोटो जेठ २६ मा देखाईने भएको छ ।
मंगलवार चार जना जोशी समुदायका ज्योतिषीले सो मिति तय गरेको हो ।
मच्छिन्द्रनाथलाई जेठ २३ गते बिहीबार लगनखेलबाट रथ तानी जाउलाखेल पु¥याइने र त्यसको चार दिनपछि भोटो देखाउने निर्णय गरेको ज्योतिषी सिद्धिकिरण जोशीले जानकारी दिए ।
बर्षा र सहकालको देवताको रुपमा पुजिने रोतो मच्छिन्द्रनाथ पुल्चोकबाट तानिएको मच्छिन्द्रनाथको रथ हाल लगनखेलको इटिटोलमा राखिएको छ ।
जेठ २३ गते सात गाउँ कीर्तिपुर, पाँगा, बलम्बु, मच्छेगाउँ, सतुङ्गल, थानकोट र पुल्चोकका मानिस आएर लगनखेलबाट रथ तानी जावलाखेल पु¥याइने बताइएको छ ।
जेठ २४ गते छोलेपु पर्व मनाई मासु पोलेर खाई जात्रा मनाइन्छ । छोलेपुको भोलिपल्ट २५ गते भुज्या पर्व मनाइन्छ । भुज्याको भोलिपल्ट अर्थात भोटो देखाइने अघिल्लो दिन आर्काे पटक पुनः नरिवल खसाल्ने परम्परा रहेको ७० वर्षीय ञँवाल सूर्यमान डङगोलले बताए ।
Categorized in सम्पदा/संस्कृति
