काठमाडौं । काठमाडौँ महानगरपालिकाको प्रमुख विद्यासुन्दर शाक्यले मख्खनटोलमा भएको आगलागी घटनाको क्षतिको विवरण सङ्कलन गर्न निर्देशन दिएका छन ।
गत विहिवार कामपा वडा नं. २४ स्थित मखनटोलमा भीषण आगलागीको घट्नाबारे बुझ्न र पीडितको कुरा सुन्न सोमबार मेयर शाक्यले घट्नास्थलको अवलोकन गरेका थिए ।
घटनाको स्थलगत अवलोकनपछि प्रमुख शाक्यले विपद् व्यवस्थापन विभागलाई घटनाको सम्पूर्ण विवरणबारे आफूलाई जानकारी गराउन निर्देशन दिएको छ ।
गत विहिवार मध्याह्न १२ बजे सल्किएको आगो साँझ ७ बजे पूर्ण नियन्त्रणमा आएको थियो ।
कामपा विपद् व्यवस्थापन विभागका प्रमुख अर्चना श्रेष्ठलाई मेयर शाक्यले विवारण संकलन गरेर वडाबाट राहतका कार्यक्रम अघि निर्देशन दिएको हो ।
आगलागीबाट स्थानीयवासी रञ्जु तुलाधार, पुष्प सिलाकार र मनोज सिलाकारको घर पूर्णरुपमा क्षति भएको छ भने धनकाजी सिंह, शिव नापित र पुजन रञ्जितको घरमा पनि क्षति भएको प्रहरीको प्रारम्भिक अनुमान छ ।
Categorized in समाज
