काठमाडौं । पेरुका पुर्व राष्ट्रपति एलेन गार्सियाले आफैलाई गोली हानी आत्महत्या गरेका छन ।
भ्रष्टाचार आरोप लागेका पेरुका पूर्वराष्ट्रपति एलेन गार्सियालाई प्रहरी समात्न आएको खवर पाएपछि उनले आत्महत्या गरेको विविसीले जनाएको छ ।
विविसीका अनुसार उनले प्रहरी घरमा आएपछि उनी फोन गर्न भन्दै अर्को कोठामा गएर आत्महत्या गरेका हुन । प्रहरीले ढोका खोलेर हेर्दा उनी कुर्सीमा बसिरहेका थिए र टाउकोमा गोली लागेको घाउ थियो ।
प्रहरीले उनलाई उपचारको लागि अस्पताल लगेपनि चिकित्सकहरुले बचाउन सकेन ।
सन १९८५ देखि १९९० र सन् २००६ देखि २०११ सम्म गरी दुई पटक राष्ट्रपति बनेका गार्सियालाई राजधानीमा मेट्रोलाइन परियोजनासँग सम्बन्धित निर्माण कम्पनी ओडुब्रेस्टसँग ३ करोड डलर घुस लिएको आरोप थियो ।
Categorized in अन्तर्राष्ट्रिय