भोलि बागबजारमा सामुदायिक सेवाद्धारा बृहत निःशुल्क आँखा शिविर
काठमाडौं । सामुदायिक सेवा ताथ सामुदायिक प्रहरी सेवा केन्द्र, पुरानो बसपार्क बागजारको आयोजनामा बृहत निःशुल्क आँखा शिविर सञ्चालन हुने भएको छ ।
बागबजारस्थित सिद्धार्थ पव्लिक स्कुलमा शिविर सञ्चालन हुने स्वास्थ्य उपसमितिकी संयोजक दिपा केसीले जानकारी दिइन ।
केसीका अनुसार विहान ९ बजेदेखि २ बजेसम्म नाम दर्ता हुने, सिविर पनि सोही समयमा ३ बजे सञ्चालन हुने भएको छ ।
सो शिविरमा आँखा जाँच हुने, निःशुल्क औषधी, निःशुल्क मोतीविन्दुको शल्यक्रिया र चश्मा पनि वितरण गरिने संस्थाका अध्यक्ष कमरुद्धिन मियाँले बताए ।
माट्रिका आई सेन्टरको प्राविधि सहयोग र साथी संगी नेपालको संयोजनमा सो शिविर सञ्चालन हुन लागेको हो ।
सेवा केन्द्रका वरिष्ठ प्रहरी हवल्दार हर्कराज जोशीले शिविरमा स्थानीयवासीहरुको उल्लेखिय सहभागी हुने विश्वास व्यक्त गरेका छन ।
शिविरबारे स्थानीयस्तरमा व्यापक प्रचार प्रसार गरिएको पनि उनले बताए ।
Categorized in स्वास्थ्य
