भोलिबाट जनबहाःद्यको रथ यात्रा सुरु, रथ निर्माण धमाधम
काठमाडौं । बर्षा र सहकालको देवताको रुपमा चिनिने जनबहाःद्य (सेतो मछिन्द्रनाथ) को रथ यात्रा भोलि(मंगलवार)बाट सुरु हुने भएको छ ।
रथयात्राको लागि जमलस्थित तीनधारा पाठशाला नजिक रथ निर्माणको कार्य अन्तिम चरणमा पुगेको छ ।
सेता मछिन्द्रनाथलाई जनबहालबाट नगरपरिक्रमा गराई दरबारमार्गस्थित तीनधारामा बनाइएको रथमा प्रतिस्थापन गराइएपछि नगर परिक्रमा गराउने प्रचलन छ ।
मंगलवार साँझ ३२ हाते लामो रथमा सेतो मच्छिन्द्रनाथको प्रतिस्थापन गरेपछिट घण्टाघर हुँदै असन चोक सम्म रथ लगिने छ ।
सोही राती असनमा राखिएको रथ राष्ट्रपतिबाट दर्शन गरेपछि रातभर असनमै राखिन्छ र भोली पल्ट रथ तानेर असन, इन्द्रचोक, हनुमानढोकास्थि कालभैरव लगिने छ ।
तस्वीरहरुः बिज्जु श्रेष्ठ/महानगरखबर
Categorized in सम्पदा/संस्कृति
