काठमाडौं । ललितपुरको भैसेपाटीमा काखमा बच्चा बोकेकी हेमा श्रेष्ठलाई विहिवार प्रहरीले लाठी प्रहार गरेका छन ।
प्रहरी निरिक्षक देवीप्रसाद पौडेलले श्रेष्ठलाई लाठी हानेको भिडियो समाजिक सञ्जालमा भाईरल भएपछि प्रहरीले छानविन समिति गठन गरेको छ ।
एसपी दुर्गा सिंहको नेतृत्वमा ३ सदस्यी समिति गठन गरिएको छ । एसएसपी टेकप्रसाद राईले घट्नाबारे अनुसन्धान भईसकेकोले प्रहरी निरीक्षक दोषी ठहर कार्वाही हुने बताएका छन ।
प्रहरीको लाठी प्रहारबाट घाईते भएकी श्रेष्ठको स्थानीय एक अस्पतालमा उपचार भईरहेको छ । प्रहरीको कुटाईबाट श्रेष्ठको पीडौलमा निलडामहरु देखएिको छ ।
भैंसेपाटीस्थित नेपाली सेनाका पूर्वजर्नेल हेम खत्रीको घरअगाडि प्रहरी निरीक्षक पौडेलले श्रेष्ठमाथि लाठी प्रहार गरेर घाईते बनाएकी हुन ।
एक महिलालले विगत चार महिनादेखि खत्रीसँग आफ्नो पुरानो सम्बन्ध रहेको तर उनले आफूलाई श्रीमती नस्वीकारेको भन्दै महिलाहरुको सहयोगमा धर्ना दिएका थिए ।
घरबाहिर महिलाहरू भेला भएको देखेपछि खत्रीले प्रहरीलाई खबर गरेका थिए । प्रहरीले महिलाहरूलाई त्यहाँबाट हटाउन खोज्दा नमानेपछि बल प्रयोग गरेको बताएका छन ।
सो क्रममा प्रहरीले ६ जनालाई महिलाहरुलाई समेत नियन्त्रणमा लिएको थियो ।
Categorized in समाज
