काठमाडौं । पन्ध्रौ अन्तर्राष्ट्रिय अन्तर्राष्ट्रिय औद्योगिक व्यापार मेला तथा घरेलु उद्योग महोत्सवको शुक्रवारबाट सुरु भएको छ ।
राष्ट्रपति विद्यादेवी भण्डारीले उद्घाटन गरेको सो ब्यापार मेला ५ दिन सम्म चल्ने आयोजकले बताएको छ ।
प्रदर्शनी मार्गस्थित भृकुटीमण्डपमा चल्ने मेलामा २ सय ५ वटा स्टल छन । मेलामा उपत्यका बाहिरका ५२ जिल्लाका ८० उद्योगका उत्पादन, चीन, भारत र वंगलादेश गरी ४५ वटा अन्तर्राष्ट्रिय स्टल रहेका छन ।
नेपाल घरेलु तथा साना उद्योग महासंघले आयोजना यस मेलाको मुख्य उद्देश्य घरेलु उत्पादनको प्रवद्र्धन गर्नु भएको आयोजको भनाई छ ।
आयोजकका अनुसार पाँच दिनको अवधिमा करिब चार लाख ५० हजारले अवलोकन गर्ने र झण्डै १५ करोडको कारोबार हुने अपेक्षा गरिएको छ ।
मेलामा हस्तकलाका सामान, नेपालमै उत्पादन भएका तयारी पोशाक, विभिन्न महिला उद्यमीले उत्पादनका गरेका खाद्य सामाग्री राखिएका छन्। बंगलादेशमा बनेको साडी र तयारी पोशाक छन । चीनमा उत्पादन भएको भाँडाकुडा र चकलेट राखिएका छन ।
कार्यक्रममा उद्योग, वाणिज्य तथा आपूर्ति मन्त्री मातृकाप्रसाद यादवले लघु, घरेलु तथा साना उद्योग मुलुकको आर्थिक समृद्घिका लागि ठूलो योगदान रहेको बताए ।
त्यसैगरी महासंघका अध्यक्ष श्यामप्रसाद गिरीले ्घरेलु तथा साना उद्योगको उत्पादनको बजार प्रवद्र्धन गर्ने उद्देश्यले मेला गर्न थालिएको जानकरी दिएका थिए ।
Categorized in किनमेल