भारती मानन्धरले फेरि थालिन अनशन
काठमाडौं । भारती मानन्धर शुक्रवारबाट माईतीघर मण्डलामा पुनः अनशन बसेकी छिन ।
मानन्धरले आफ्ना पति चेतन मानन्धरको हत्या अभियोगमा जेल सजाय पाई रिहा भएका योगराज ढकाल (रिगल) लाई पुन जेल सजाय दिन माग गर्दै अनसनलाई निरन्तरता दिएकी हुन ।
बाँकेका रिगलललाई सरकारबाट पाएको आममाफी विरुद्ध सर्वोच्चमा परेको रिटको सुनवाई जारी रहेको छ । मंगलबार रिगलको आममाफीका सम्बन्धमा सुनुवाइ हुँदै छ ।
असोज १७ देखि रिगलको विरुद्ध अनशन बस्दै आएकी मानन्धर यस अवधिमा उनी पटकपटक बेहोस भए पनि चिसो सडकको अनशन रोकेकी छैनन ।
नेपालगन्ज–८ का २९ वर्षीय मानन्धरमाथि २०७२ असार २८ मा धम्बोजी चोकमा रिगलको निर्देशनमा दिनदहाडै खुँडा प्रहार गरिएको थियो ।
रिगललाई जिल्ला अदालत बाँकेले २०७६ वैशाखमा मानन्धरको हत्या गरेको ठहर गर्दै सर्वस्वसहित जन्मकैदको सजाय दिएको थियो ।
रिगलसहित हत्यामा संलग्न अन्य १२ जनालाई समेत कसुरअनुसार सजाय तोकेको थियो । झन्डै ५० प्रतिशत सजाय भुक्तानी गरेपछि रिगल गत संविधान दिवसका दिन रिहा भएका हुन ।
Categorized in समाज
