भारतीय विदेश सचिव गोखले नेपाल आउने
प्रकाशित: शुक्रवार, ८ चैत्र २०७५, ०९ः०० बजे
- महानगरखवर
काठमाडौं । भारतीय विदेश सविच विजय केशव गोखले नेपाल आउने भएको छ ।
विदेश सचिव गोखले लगानी सम्मेलनको पूर्वसन्ध्यामा आफ्नो भ्रमण तालिका अनुसार मार्च २८ अर्थात चैत १४ गते दुई दिने नेपाल भ्रमणमा आउन लागेको अधिकारीहरुले बताएका छन ।
चैत १५ र १६ गते काठमाडौंमा हुने लगानी सम्मेलनको लागि आउन लागेको उनको भ्रमणमा नेपाली अधिकारीहरुसँग भारतीय सहयोगका कार्यक्रम र दुईपक्षीय सम्बन्धसँग सम्बन्धित विषयमा छलफल गर्ने कार्यक्रम तय भएको परराष्ट्र मन्त्रालयका अधिकारीहरुले बताएका छन ।
नेपाल बसाइको क्रममा उनले प्रधानमन्त्री केपी शर्मा ओली, परराष्टमन्त्री प्रदीप ज्ञवाली र अन्य शीर्ष नेताहरुलाई भेट्ने कार्यक्रम छ ।
Categorized in अन्तर्राष्ट्रिय
