काठमाडौं । भारतको नयाँ दिल्लीस्थित पहाडगञ्जको रिङ्गो होटलमा बन्धक ९ नेपाली महिनाको उद्दार गरिएको छ ।
केआई नेपालको प्रयासमा महिनौदेखि बन्धक महिलाहरुको उद्दार गरिएको हो । उनीहरुलाई कपिलबस्तुकको कृष्णनगर नाकाबाट उनीहरुलाई नेपाल फकाईएको हो ।
बन्धक महिलाहरु रसुवा, सुनसरी, मोरङ, दाङ, पाल्पा, रुपन्देही र बागलुङका लगायतका थिए ।
उनीहरुलाईवैदेशिक रोजगारीको प्रलोभनमा पारेर बन्धक थियो । खाडी मुलुक लैजाने उद्देश्यले भारतको नयाँ दिल्ली पुराएर होटलमा बन्धक बनाइएको थियो ।
केआई नेपाल दिल्लीस्थित प्रतिनिधि नवीन जोशीले दिएको जानकारीअनुसार विभिन्न सात जिल्लाबाट फरकफरक व्यक्तिसँगको सम्पर्कको माध्यमबाट वैदेशिक रोजगारीका लागि ती महिला भारत पुगेका जनाइएको छ ।
मानव बेचविखनको बदलिँदो स्वरुपसँगै वैदेशिक रोजगारीले ल्याएको समस्या पछिल्लो समयमा निकै जटिल एवं कठिनपूर्ण हुँदै गइरहेको छ ।
Categorized in समाज
