भारतद्वारा दाउद इब्राहिमसहित ४ जना आतंकारी घोषित
काठमाडौं । भारतले अन्डरवल्र्ड डन दाउद इब्राहि र लश्कर–ए–तोयबाका संस्थापक हाफिज सइदसहित ४ जनालाई आतंकारी घोषित गरेका छन ।
आतंकारी घोषित हुनेहरुमा जैश–ए–मोहम्मद प्रमुख मसुद अजहर, मुम्बई आक्रमणका आरोपी जकी उर्रहमान लखवी रहेका छन ।
भारतीय गृहमन्त्रालयले जारी गरेको विज्ञप्ति अनुसार भारतको आतंकवाद विरोधी एक कानुनअनुसार उनीहरुलाई आतंकवादी घोषणा गरिएको जनाएको छ ।
संयुक्त राष्ट्रसंघले यसअघि नै जैश–ए–मोहम्मद प्रमुख मसुद अजहरलाई अन्तर्राष्ट्रिय आतंकवादी घोषणा गरिसकेको थियो । मसुद अजहरले भारतमा पाँच ठूला आक्रमण गराएको बताइन्छ ।
यसैगरी लश्कर–ए–तोयबाका संस्थापक हाफिज सइदको समूहमाथि भारतीय संसदमा आक्रमण गराएको आरोप छ ।
भारतको सार्वाधिक खोजीमा रहेको दाउद पाकिस्तानको कराँचीमा रहेको बताएपनि पाकिस्तानले अस्विकार गरेको छ ।
Categorized in अन्तर्राष्ट्रिय
