काठमाडौं । भक्तपुरको सानोठिमीस्थित बालसुधार गृह तोडफोड गरी भागेका ८७ जनालाई प्रहरीले काठमाडौबाट पक्राउ गरेको छ ।
प्रहरीले उनीहरुलाई काठमाडौंका विभिन्न स्थानबाट पक्राउ गरेका हुन । भागेकामध्ये ६० भन्दा बढीलाई बानेश्वर प्रहरी वृत्तमा राखिएको छ भने अन्यको खोजी कार्य भईरहेको छ ।
२०० भन्दा बढी सुधारगृहबाट भागेका छन । अझै १२९ जना फरार रहेको देखिएको छ ।
आइतबार सुधारगृहमा रहेका रामेछापको मन्थली नगरपालिका–३, कठजोरका २१ वर्षीय कमल बस्नेतकोे मृत्यु भएपछि आफन्तहरू विरोधमा उत्रिएका थिए ।
प्रदर्शनकै मौका छोपेर सुधारगृहका झ्याल र पर्खाल फुटाएर उनीहरू भागेका थिए ।
Categorized in समाज