काठमाडौं । भक्तपुरस्थित सूर्यविनायक नगरपालिका वडा २ मा रहेको मनकामना कपास उद्योगमा आईतबार आगलागी भएको छ ।
विहान आगलागी भएपछि काठमाडौँ र भक्तपुरको वारूणयन्त्र, नेपाल प्रहरी, नेपाली सेना र स्थानीय बासिन्दाको सहयोगमा आगो नियन्त्रणमा आएको महानगरीय प्रहरी बृत्त थिमिले बताएको छ ।
आगलागीबाट कारखानामा रहेका कपडा, कपडा पेलेर बनाइएको कालो कपास, मेशिन, औजार र अन्य सामान जलेर नष्ट भएको थीमीका प्रहरी नायब उपरीक्षक शान्तिराज कोइरालाले जानकारी दिए ।
भोजपुरको षडानन्द नगरपालिका–४ दिङ्लाकी सरिता चौलागाईंले सञ्चालन गरेको उद्योगमा बिहान ५ः०० बजे लागेको कामदारहरुले बताएकाछन ।
आगलागीका क्रममा उद्योगमा रहेको ग्यास सिलिन्डरसमेत विस्फोट भएपछि कारखानामा आगो फैलिएको थियो । आगलागीबाट करीब रु २५ लाख बराबरको क्षतिको अनुमान भएको र क्षतिको विवरण सङ्कलन गर्ने काम भइरहेको बताईएको छ ।
Categorized in समाज
