काठमाडौं । ब्रोइलर कुखुराको मासुको मूल्य बृद्धि भएपछि आपूर्ति तथा उपभोक्ता संरक्षण विभागले अनुगमनको तयारी गरेको छ ।
विभागले अनुगमन गरी कारवाही अगाडि बढाउने भएको छ । डेढ महिनाकै अवधिमा ब्रोइलर कुखुराको मासु किलोमा १ सय १० रुपैयाँ बढेको छ ।
विभागले ठूला ह्याचरी र बिक्रेतालाई मूल्य बढ्नुको कारण पेस गर्न शुक्रबार निर्देशन दिएपनि कुखुराको मासु लगातार बढेपछि अनुगमन गर्ने बताएकोक छ ।
सोमबार ब्रोइलर कुखुराको मासुको मूल्य किलोको ३ सय ९० रुपैयाँ पुगेको छ । यस अघि कुखुराको मासुको मूल्य २ सय ८० रुपैयाँ थियो ।
विभागका महानिर्देशक नेत्रप्रसाद सुवेदीले मंगलबारबाट ठूला ह्याचारी र बिक्रेताको अनुगमन गरेर मूल्य नियन्त्रणको प्रयास गरिने बताए ।
लागतभन्दा कममा कुखुराको मासु र अण्डा बिक्री गर्नुपर्ने अवस्था भएपछि ह्याचरी उद्यमीले चिकेन होलिडेको निर्णय गरेका थिए । १० दिनसम्म चल्ला उत्पादन र बिक्री नगर्ने निर्णयसँगै मूल्य लगातार बढेको हो ।
Categorized in बजार