ब्राजिलको एक विद्यालयमा गोली चल्दा ८ जनाको मृत्यु
प्रकाशित: विहिवार, ३० फागुन २०७५, ०९ः२० बजे
- महानगरखबर
काठमाडौं । ब्राजिलको एक विद्यालयमा गोली चल्दा ८ जनाको मृत्यु अन्तर्राष्ट्रिय सञ्चारमाध्यमहरुले जनाएको छ ।
ब्राजिलको साओ पाउलो नजिकै रहेको एक विद्यालयमा गोली चल्दा घटनामा आठ व्यक्तिको मृत्यु भएको बताइएको छ ।
साओ पाउलो राज्यको सैनिक प्रहरी विभागका अनुसार सुजानोस्थित एक विद्यालयमा अपरिचित बन्दूकधारी प्रवेश गरी अन्धाधुन्ध गोली चलाउँदा ती व्यक्तिहरुको मृत्यु भएको हो ।
ब्राजिलको एक प्रसिद्धटेलिभिजन टिभी ग्लोबोले दुई किशोरले गोली चलाएको हुनसक्ने र जम्मा आठ जनाको मृत्यु भएको प्रत्यक्षदर्शीलाई उद्धृत गर्दै समाचार प्रशारण गरेको छ ।
सञ्चारमाध्यमहरूका अनुसार उक्त घटनामा १७ जना घाइते समेत भएका छन ।
Categorized in अन्तर्राष्ट्रिय
