काठमाडौँ । महानगरीय प्रहरी बृत्त बौद्ध प्रहरीले विहिवार काठमाडौंको गोकर्णेश्वर नगरपालिकाको नयाँ बस्ती र महानगरपालिका –६ स्थित नागेश्वरगल्लीको अबैध मदिरा भट्टीहरुमा छापा मारेको छ ।
छापा मार्ने क्रममा अवैध मदिरा उत्पादन गर्न राखिएका कच्चा पदार्थ र एकहजार लिटर भन्दा बढी मदिरा नष्ट गरेको प्रहरीले जनाएको छ ।
अवैध मदिरा उत्पादन तथा विक्री वितरणले समाजमा विभिन्न किसिमका दुर्घटना र अराजक गतिविधि निम्त्याउने गरेको भन्दै प्रहरीले त्यस्ता गतिविधि नियन्त्रण गर्न अवैध मदिरा नष्ट गरेको हो ।
प्रहरीले नियन्त्रणमा लिएको घरेलु मदिरा विशालु र हानिकारक रहेको समेत बताएको छ । ।
प्रहरीले स्थानीय जनप्रतिनिधि र विभिन्न सङ्घसंस्था र पत्रकारको रोहवरमा छापा मार्दै नियन्त्रणमा लिएको मदिरा नष्ट गरेको हो ।
Categorized in समाज
