काठमाडौं । काठमाडौंको सुन्दरीजलस्थित खोलामा डुबेर एक महिलाको मृत्यु भएको छ ।
गोकर्णेश्वर नगरपालिका–१ मा रहेको सुन्दरीमाई मन्दिर नजिक खोलामा आइतबार राति ३५ वर्षीया सन्ध्या धामीको डुबेर मृत्यु भएको जिल्ला प्रहरी परिसर काठमाडौंका एसपी कुलदिप चन्दले जानकारी दिएका छन ।
बोलबम दर्शनका लागि गएकी धामी ढुंगामा चिप्लिएर खोलामा खसेकी थिइन । चितवन घर भई हाल काठमाडौंको कपनमा बसोबास गर्दै आएकी उनी खोलामा डुबेपछि अचेत अवस्थामा भेटिएकी थिइन ।
उनलाई तत्काल उपचारका लागि नेपाल मेडिकल कलेज, अत्तरखेल लगिएको थियो । तर, उपचारको क्रममा उनको मृत्यु भएको प्रहरीले जनाएको छ ।
घटनाबारे थप अनुसन्धान भइरहेको प्रहरीले जनाएको छ ।
Categorized in समाज
