काठमाडौं । निर्वाचन आयोगले शुक्रवार प्रधानमन्त्री शेरबहादुर देउवालाई आगामी बैशाख १४ गते सम्म चुनाव गर्ने प्रस्ताव गरेको छ ।
पदाधिकारीले प्रधानमन्त्री शेरबहादुर देउवासँग छलफल गर्दै एकै दिन एकै चरणमा निर्वाचन हुने गरी मिति तोक्नु उपयुक्त हुने बताएका छन ।
प्रमुख निर्वाचन आयुक्त दिनेशकुमार थपलियाले पहिलो चरणमा सबै स्थानीय निकायको निर्वाचन गर्न सम्भव नभए दोस्रो चरणमा आगामी वेशाख २२ गते बिहीबारका दिन गर्न सकिने समेत प्रस्ताव गरेको जानकारी दिए ।
स्थानीय तह निर्वाचन ऐन, २०७३ अनुसार स्थानीय तहको निवार्चनका लागि आयोगले सिफारिस गर्ने र सरकारले मिति तोक्ने व्यवस्था छ ।
आयोगका अनुसार कूल पाँच लाख ७७ हजार ६६९ नयाँ मतदाताले आफ्नो नामावली दर्ता गराएका छन । मतदाता नामावलीमा नाम दर्ता गर्ने समय यही पुस २० गतेसम्म रहेको छ । आगामी जेठ ५ गते स्थानीय तहको पदाधिकारीको पदावधि सकिँदैछ ।
Categorized in स्थानिय
