बैशाखदेखि निक्षेपको ब्याजदर कति घट्दै ?, कर्जाको पनि घट्ने
काठमाडौँ । बाणिज्य बैंकहरुले आगामी बैशाख २०८० सालबाट निक्षेपमा ब्याजदर घट्ने जनाएको छ ।
नेपाल बैंकर्स संघका अनुसार व्यक्तिगत मुद्दती खातामा वाणिज्य बैंकहरुले अधिकतम ९.९ प्रतिशतसम्म ब्याजदर दिनेछन ।
त्यस्तै संस्थागत खातामा ७.९ प्रतिशतसम्म दिनेछन ।
यस अघि व्यक्तिगत मुद्दतीमा ११ तथा संस्थागत मुद्दतीमा ९ प्रतिशतसम्म ब्याजदर दिँदै आएका थिए ।
संघका उपाध्यक्ष तथा माछापुच्छ्रे बैंकका सीईओ सन्तोष कोइरालाले बुधबार बसेको बैठकले मुद्दती तथा बचत खाताको ब्याजदर वैशाखदेखि घटाउने निर्णय गरेको बताए ।
उपाध्यक्ष कोईरालका अनुसार साधारण बचत खातामा ५.४ देखि ७.४ प्रतिशतसम्म ब्याजदर दिने छन ।
बैशाखबाटै कर्जाको ब्याजदर सामान्य घट्ने भएको छ । चैत मसान्तसम्मको आधार दरका आधारमा वैशाखदेखि कर्जाको पनि ब्याजदर घट्ने संघले जनाएको छ ।
बैंकले हाल ऋणीहरुबाट १४ प्रतिशतको हाराहारीमा ब्याज लिँदै आएको छ ।
Categorized in बैंक
