काठमाडौं । वैदेशिक रोजगार न्यायाधिकरणको २०७० असार ३ गतेको फैसलाले १ बर्ष ६ महिना कैद र १ लाख ५० हजार जरीवाना हुने ठहर भएकोमा उक्त सजाय बेरुजु रही फरार रहेकी आरती गिरी पक्राउ परेकी छिन् ।
केन्द्रीय अनुसन्धान व्यूरो महाराजगंजबाट खटिएको प्रहरी टोलीले आइतबार कमलपोखरी काठमाडौंबाट पक्राउ गरेको हो ।
महोत्तरी रामनगर बस्ने ३१ बर्षीया आरती गिरीलाई फैसला कार्यान्वयनको लागि जिल्ला अदालत काठमाडौंमा पेश गरेकोमा अदालतको आदेशले कैद भुक्तानको लागि कारागार कार्यालय जगन्नाथदेवल पठाइएको छ ।
गिरीले वैदेशिक रोजगारीका लागि ६ महिना भित्र इजरायल पठाईदिन्छु भनी २०६८ मंसिर २८ गते जाहेरवालाहरु पदम सुन्दरी श्रेष्ठबाट ३ लाख ३० हजार र गिता श्रेष्ठबाट १ लाख ५५ हजार रुपैयाँ उठाई वैदेशिक रोजगारीमा नपठाई फरार भएकी थिइन् ।
Categorized in समाज
