काठमाडौं । बैतडीको मैलौली नगरपालिकाले एकल पुरुषलाई मासिक एक हजार भत्ता दिने भएको छ ।
साठी बर्ष माथिका ‘एकल पुरुष’ हरुलाई सामाजिक सुरक्षा अन्तर्गत सो भत्ता दिने निर्णय गरेको नगरपालिकाले जनाएको छ । नगरपालिकाले यसको लागि १५ लाख बजेट समेत छुट्टाएको छ ।
नगरपालिको मेयर कृष्णसिंह नायकले नगरका ९ वटै वडाका ‘एकल पुरुष’ हरुको तथ्यांक संकलन गर्ने कार्य भईरहेको बताएको छ ।
एकल पुरुषलाई मासिक भत्ता वितरण गर्ने सम्भवतः यो नगरपालिका नेपालकै पहिलो बनेको छ ।
Categorized in समाज
