काठमाडौं । भूकम्पले क्षतिग्रस्त भएको मैतीदेवीस्थित बेनुगोपाल मन्दिरको पुननिर्माणको लागि काठमाडौं महानगरपालिकाले ५० लाख सहयोग प्रदान गरेको छ ।
शनिवार महानगर प्रमुख शाक्यले मन्दिर पुननिर्माण समितिका अध्यक्ष शिवराम राजवंशीलाई ५० लाख रुपियाँको चेक हस्तान्तरण गरेको छ ।
सो कार्यक्रममा महानगर प्रमुख शाक्यले पहिले भएका मठमन्दिरको संरक्षण र मर्मतका लागि सहयोग गर्ने नीति महानगरले लिएको बताउँदै महानगरको समृद्धिका योजना समेत माग गरेका थिए ।
यस मन्दिर पुननिर्माणको लागि करीब २३ करोड रुपैयाँ अनुमान गरिएको छ । यस लगानीमा गुरुकुल, गौशाला, पण्डाल, जेष्ठ नागरिकको आश्रय स्थल तयार हुनेछ ।
भक्तजनबाट अहिलेसम्म २ करोड २५ लाख प्राप्त भएका छन भने प्रदेश सभाका सदस्य दिपेन्द्र श्रेष्ठले ५० लाख रुपैयाँ, मन्दिर निर्माण समितिका अध्यक्ष, शिवराम राजबंशीले ३ लाख रुपैयाँ, सामुदायिक प्रहरी सेवाका अध्यक्ष टंक श्रेष्ठले १ लाख रुपैयाँ प्रदान गरेको छ ।
त्यसैगरी स्थानीय कृष्णगोपाल राजबंशीले २५ हजार, प्रभातमणि (प्रवीण) ओझाले २५ हजार रुपैयाँ उपलब्ध गराएका छन ।
२,१३४.०७ बर्गमिटर क्षेत्रमा निर्माण भइरहेको मन्दिरमा भूकम्प प्रतिरोधी प्रबिधिको उपयोग गरिएको छ ।
स्थानीय रमादेवी श्रेष्ठले भागववनाको नाममा उपलब्ध गराएको सो जग्गामा २०३४ सालमा यो मन्दिर निर्माण गराइएको हो । मन्दिरको पूरा नाम शंखचक्रधारी श्री बेणीगोपाल मन्दिर हो ।
Categorized in सम्पदा/संस्कृति