काठमाडौं । स्वास्थ्य तथा जनसंख्या मन्त्रायलले कोभिड–१९ को बुस्टरडोज लगाउन आग्रह गरेको छ ।
कोरोना भाइरसको नयाँ भेरियन्ट बीएफ ७ नेपालमा पनि फैलिने जोखिम रहेकाले सतर्क रहन आग्रह गर्दै बुस्टर डोज लगाउन बाँकी रहेकाहरुले खोप लगाउन भनेको छ ।
छिमेकी मुलुकहरुमा देखिएको यो भाइरस हालसम्म नेपालमा पुष्टि नभएको मन्त्रालयले जनाएको छ तर खुला सीमाना र मानिसहरुको आवतजावतका कारणले नेपालमा फैलिन सक्ने जोखिम रहेकाले रोकथाम र नियन्त्रणका उपाय अपनाउनुपर्ने उल्लेख गरेको छ ।
मन्त्रालयले एक विज्ञप्ति जारी गरी इसाइ धर्माबलम्बीहरुके चाड क्रिसमस र इस्वी संवतको नयाँ वर्ष २०२३ नजिकिएको अवस्थामा भिडभाड नगर्न र जनस्वास्थ्यको मापदण्ड पालना गर्न समेत आग्रह गरेको छ ।
Categorized in स्वास्थ्य