काठमाडौं । काठमाडौंको बुढानिलकण्ठ नगरपालिकामा नक्कली बसाई गरेको कागज पेश गरी मतदाता नामावलीमा नाम पेश गरेको भन्दै निर्वाचन आयोगमा उजुरी परेको छ ।
नेपाली कांग्रेस क्षेत्र नम्बर ४ का सभापति श्यामकृष्ण संगतले बूढानीलकण्ठ नगरपालिकाको विभिन्न वडामा १३ जनाले बसाइसराइको नक्कली कागजातका आधारमा मतदाता नामावलीमा नाम दर्ता गरेको भन्दै उजुरी दिएका हुन ।
सभापति संगतले विभिन्न जिल्लाबाट बसाई सरी गरी आएकाहरुले विभिन्न वडामा नक्कली कागजात पेश गरेको दावी गरेको छ ।
उजुरीमा भनिएको छ,‘संलग्न कागजात उल्लेख भए अनुसार काठमाडौं जिल्ला क्षेत्र नं. ४ बुढानिलकण्ठ नगरपालिका वडा नं. २, १०, ११, १२ का पञ्चाधिकारीहरुका वडा अन्तर्गत रहने अनुसुची फारममा हस्ताक्षर र वडा कार्यलयको छाप भएको र यस प्रक्रियमा वडा कार्यलयको संलग्नता देखिन्छ र अन्य वडामा रहेको आशंका व्यक्त गर्दछौं ।’
गत असार १ गतेदेखि देशभर छुटेका मतदाताहरुको नामावली संकलन भइरहेको छ । त्यही क्रममा मतदान केन्द्र परिवर्तन लगायतका काम पनि भइरहेका छन ।
यस किसिमको कानुनी विपरित जारी भएको बसाई सराईको कागजातका सम्बन्धमा यथासिघ्र छानविन गरी नक्कली बसाई सराई बनाउने व्यक्तिहरुको पहिचान गरी तत्कालै पक्राउ गरी कारवाही गर्न उजुरीमा माग गरिएको छ ।
Categorized in स्थानिय
