काठमाडौं । काठमाडौंमा हुन गईरहेको चौथो विम्स्टेक सम्मेलनको लागि उपत्यकाभित्र स्कुल तथा कलेजलाई २ दिन विदा दिएको छ ।
भाद्र १४ गते विहिबार र १५ गते शुक्रबार शैक्षिक संस्थाहरुमा विदा दिने निर्णय गृहमन्त्रालयले गरेको छ ।
मंगलबार गृह मन्त्रायलमा बसेको शान्ति सुरक्षा महाशाखाको बैठकले बिहीवार र शुक्रवार बिदा दिने निर्णय पनि सार्वजनिक विदा भने दिएको छैन ।
सम्मेलनलाई लक्षित गरी बुधवार, विहिबार र शुक्रबार सार्वजनिक तथा निजी सवारी जोर विजोर नम्बरअनुसार संचालन गर्नुपर्नेछ । १३ र १५ गते विजोर गाडी चल्न पाउनेछन भने १४ गते जोर नम्बरका गाडी मात्र चल्नेछ ।
अत्यावश्यक सेवा र प्रेसका लागि भने जोर विजोर नियम लागू हुनेछैन । राति १० बजेदेखि बिहान ६ बजेसम्म भने यातायातलाई कुनै मापदण्ड तोकिएको छैन ।
Categorized in समाज
