काठमाडौं । बालाजु क्षेत्रमा यातायात मजदुरको आन्दोलनको कारण तनावग्रस्त बनेको छ ।
ट्राफिक प्रहरीले जथाभावी जरिवाना असुली गरेको विरुद्ध आन्दोलनरत मजदुरले आन्दोलनको क्रममा २ वटा प्रहरी भ्यानमा आगजानी गरेका छन ।
उनीहरुले माछापोखरी चोकमा रहेका ट्राफिक प्रहरी विट समेत भत्काई दिएका छन ।
यातायात मजदुरका ३ संगठन नेपाल यातायात स्वतन्त्र मजदुर संगठन, अखिल नेपाल यातायात मजदुर संघ र नेपाल यातायात मजदुर संघले ट्राफिकले वृद्धि गरेको जरिवानाविरुद्ध आन्दोलनरत छन ।
उनीहरुले राखेका १० बुँदे माग सम्बोधन नभएसम्म आन्दोलन नरोकिने बताएका छन ।
Categorized in स्थानिय
