काठमाडौं । बालाजुस्थित जागृती टोलमा बस्दै आएकी ४५ वर्षीया एक महिलाले आफ्नो शरीरमा आफै आगो लगाएको प्रहरीले बताएका छन ।
प्रहरीका अनुसार राती पौने ९ बजेतिर घरयासी विवाद हुँदा ती महिलाले शरिरमा आगो लगाएको प्रहरीको भनाई छ ।
शरीरमा पेट्रोल छर्केर आगो लगाएको जिल्ला प्रहरी परिसर काठमाडौंका एसपी अपिलराज बोहराले बताए ।
’उहाँको नयाँबजारस्थित पिपल्स अस्पतालमा उपचार भइरहेको छ। शरीरको २५ प्रतिशत भाग जलेको छ,’ एसपी बोहराले भने, ’विवादको कारण हामीले सोधपुछ गरिरहेका छौं।’
घटनाबारे प्रहरीले थप अनुसन्धान गरिरहेको उनले बताए ।
Categorized in समाज
