बालाजुबाट ५ केजी सुनसहित पक्राउ परेका व्यक्तिलाई सार्वजनिक गरिदै
प्रकाशित: बुधवार, १७ असोज २०७५, ११ः०० बजे
- महानगरखबर
काठमाडौं । महानगरीय प्रहरी परिसरले बालाजुबाट ५ केजी सुनसहित पक्राउ परेका रसुवाका सोबबहादुर तामांगलाई सार्वजनिक गर्ने भएको छ ।
परिसरले बालाजुको तीनपिप्ले भन्ने स्थानमा चेकजाँच गर्दा उनलाई पक्राउ गरेको जनाएको छ ।
सोमबार बेलुकी उनलाई उक्त परिमाणको सुन सहित पक्राउ गरेको हो । रसुवाका १८ वर्षीय तामाङले उक्त सुन रसुवागढी नाकाबाट भित्राइएको प्रहरीले जनाएको छ ।
प्रहरीले अहिले ११ बजे पत्रकार सम्मेलन आयोजना गरेर उनलाई सार्वजनिक गर्ने तयारी गरेको छ ।
Categorized in पत्रपत्रिका
